Basahin: Ang Alaga Ni Barbara Kimenye. Ang buod ng kwento.
ANG ALAGA NI BARBARA KIMENYE – Basahin ang kwento tungkol kay Kibuka at ang mga aral na maaring makuha dito.
Ang tema ng kuwentong Ang Alaga ni Barbara Kimenye ay tumatalakay sa pagpapahalaga at pagmamahal sa mga bagay na mayroon tayo. Ito ay tungkol kay Kibuka at ang kanyang kwento ay nagsimula matapos siya ay magretiro sa trabaho. Hindi siya naniniwala na para sa kanya ang pagreretiro bilang isang kawani ng Ggogombola Headquarters pero dumating ang araw na hindi niya pwedeng matanggihan ang katotohanan.
Para malibang, siya ay nakatanggap ng biik mula sa kanyang apo at dito na nagbago ang takbo ng kanyang buhay bilang isang retiradong kawani.
Basahin ang buod ng kwento:
Si Kibuka ay isang matanda na ayaw magretiro sa kanyang trabaho sa gobyerno. Dahil umabot siya sa edad ng pagreretiro, wala siyang magawa kundi tumigil sa pagtrabaho.
Nalulungkot si Kibuka sa kawalan ng gawain, kaya naisipan ng kanyang apo na bigyan si Kibuka ng isang itim na biik.
Itinuring niyang alaga na pati sa kama ay natutulog sila nang magkatabi.
Lumaki ng mabilis ang biik hanggang sa hindi na makayanan ni Kibuka na bilhan ng pagkain. Nalaman ito ng kanyang mga kapitbahay kaya inalok nilang bigyan ang baboy ng makakain. Tuwang-tuwa sila kasi parang alaga na rin nila ang baboy at dinadalaw nila ito palagi.
Isang araw, naaksidente si Kibuka, kasama ang baboy. Nasagasaan sila ng motorsiklo. Sa kasawiang-palad ay naipit ang leeg ng baboy at ito ay namatay. Naisipan niyang ipakatay ang alaga pero hindi siya kakain ng karne nito dahil pagtataksil iyon sa kaniyang alaga. Pero sa huli, nang dumating si Musisi, nakakain siya ng karne ng kanyang alaga at siya ay nasarapan.
Mga aral:
- Sa buhay, ang oras ay limitado. Kaya’t pahalagahan ang bawat pagkakataon dahil hindi natin alam kung hanggang kailan lamang ang mayroon tayo.
- Pagpapahalaga sa buhay ng hayop at tao. Lahat ng buhay at mahalaga at dapat na pahalagahan at bigyan ng malasakit.
- Pagiging responsable at pagiging mapagmahal sa isang hayop.
- Pagiging bukas sa mga pagbabago at sa mga bagong sitwasyon dahil ito ay isang mahalagang bahagi ng pag-unlad.
- Pagtanggap sa mga pagsubok at pagkatuto ng pagiging matatag sa pagharap ng mga hamon sa buhay at pagkawala ng mga bagay at tao na mahalaga sa atin.