Alamin kung ano ang teknolohiya at ang kahalagahan nito sa kasalukuyang panahon.
ANO ANG TEKNOLOHIYA? Pag-aralan ang kahulugan at mga kahalagahan ng teknolohiya sa buhay ng tao sa panahong kasalukuyan.
Hindi maipagkakaila na magiging ibang-iba ang ating buhay sa ngayon kung wala ang teknolohiya. Subalit, ano nga ba ang teknolohiya? Ito ay “tumutukoy sa kagamitan na ginamit o ginawa upang gawing mas madali ang buhay para sa mga tao. Maaaring ito ay kagamitan sa komunikasyon, kagamitan sa pagmamanupaktura, o iba pa.”
Ang mga halimbawa ng teknolohiya ay internet, computer, artificial intelligence, TV, cellphone, laptop, mga makinarya, mga appliances sa bahay, camera, mga gamit pang-medikal, at marami pang iba.
Ang mga it ay nagdudulot ng ginhawa sa nuhay ng tao sa maraming paraan at dahil sa patuloy na paglago nito, mas marami pang mga mabubuting dulot ito. Subalit lahat ng bagay, kapag naaabuso at nasobrahan, ay may masamang epekto.
Ilan sa mga mabubuting epekto nito ay:
- Mas mabilis na pakikipagkomunikasyon kahit saang lupaklop man ng daigdig ang nais mong makausap.
- Mas mabilis at mas komportableng transportasyon. Ang mga iba’t ibang uri ng sasakyan at mga pampublikong transportayson ay mas napapag-igi ang ating pagpunta sa iba’t ibang mga lugar.
- Sa edukasyon, lahat na nais malaman ng isang mag-aaral ay ilang click lang ang kailangan sa internet. Hindi na nila kailangan pang pumunta sa mga silid-aklatan para gumawa ng kanilang mga takdang aralin at proyekto dahil halos lahat ng impormasyon ay makikita na sa internet.
Ang mga masamang epekto ay:
- Marami ang nagiging biktima ng scam dahil mas madali na makapagtago ng totoong pagkatao sa internet bilang ang mga gumagamit ay nasa likod lamang ng kanilang mga screen.
- Sa sobrang paggamit ng teknolohiya tulad ng ma gadgets, nagiging mas tamad ang marami at kadalasan ay nalilimutan na ang mga dapat nilang gawin.
- Naaapektuhan din ang kalusugan. Dahil sa pagkawili, hindi na natutuunan ng pansin ang paggalaw na bahagi ng pagiging malusog at dahil sa kawalan ng ehersisyo, madaling dapuan ng sakit ang isang tao.
- Sa edukasyon, dahil sa pagkahumaling sa social media, nakakaligtaan ng maraming kabataan ang pag-aaral. Makita man lahat ng impormasyon sa internet kung hindi naman magamit sa maayos na paraan ang oportunidad na ito, ay wala rin. Nawawala ang kanilang atensyon sa pag-aaral.