Aspekto Ng Pandiwa - Ano Ang Mga Ito At Gamit Sa Pangungusap

Ano ang mga iba’t ibang aspekto ng pandiwa? Alamin at pag-aralan.

ASPEKTO NG PANDIWA – Ito ang bahagi ng pananalita na nagpapakit ng kilos o galaw at ito ang tatlong aspekto nito.

Ang pandiwa o verb sa English ay mga salita na nagpapakita ng kilos o galaw ng isang tao, bagay, o hayop. Karaniwan, ito ay binubuo ng salitang ugat at panlaping makadiwa. Ang pandiwa ay ang mga salitang nagbibigay-buhay sa isang pangungusap o salaysay. Ang mga galaw na ito ay maaring nagawa na, ginagawa pa lamang, o gagawin pa at ang tawag sa mga ito ay ang kanyang aspekto. At sa partikular na bahagi ng pananalita na ito ay mayroong tatlong aspekto.

Tatlong aspekto (Tenses Of Verb)

Perpektibo (Past Tense) – Ang perpektibong aspekto ay sinasaad na tapos na galaw o kilos. Ito ay binubuo ng isang salitang ugat na may panlaping “nag-”, “um-”, “nan-”, “-in”, “ni-”, “na-’, at “-an”.

Mga halimbawa:

Nagsayaw
Kumanta
Sinipot
Tinanghal
Nagpunta

Mga halimbawa sa pangungusap:

Hindi ako sinipot ng aking kausap.
Nilimas ng magnanakaw ang aking bag.
Saan ka ba nagpunta at bakit ang dumi-dumi mo?

Imperpektibo (Present Tense) – Ang imperpektibong aspekto ay sinasaad na ang kilos o galaw ay ginagawa pa lamang. Maari din itong tawagin pangkasalukuyang aspekto at may kasamang panlaping “nag-”, “ni-”, “-in-”,”um-”, “na-”, at “-an” at nauulit ang unang pantig ng salitang ugat.

Mga halimbawa:

Umaakyat
Nayayamot
Naglalaba
Naghahanda
Nakikita

Mga halimbawa sa pangungusap:

Nayayamot na siya sa aking mga biro.
Nakikita ko na ang barko.
Nagmamaneho ako ng sasakyan ngayon.

Kontemplatibo (Future Tense) – Ang kontamplatibong aspekto ay sinasaad na ang kilos o galaw ay nagaganap o gagawin pa lamang. Sa kadalasan, ang unang pantig ng salitang-ugat ay inuulit kasama ang mga panlaping “mag-”, “ipag-”, “maka-”, at “naka-”.

Mga halimbawa: