Bahagi Ng Pananalita At Mga Halimbawa

Alamin ang iba’t ibang bahagi ng pananalita.

Alamin at pag-aralan ang iba’t ibang bahagi ng pananalita sa pamamagitan ng mga pagpapakahulugan at mga halimbawa.

Sa Filipino, mayroong sampung bahagi ng pananalita o kauriang panleksiko – pangngalan, panghalip, pandiwa, pangatnig, pang-ukol, pang-angkop, pang-uri, pang-abay, pantukoy, at pandamdam.

Mga bahagi ng pananalita

• Pangngalan o Noun – Ito ang tumutukoy sa ngalan ng tao, hayop, pook, o pangyayari.

Halimbawa:

1. Christmas
2. Toni
3. Aso
4. Canada
5. Mario

Si Toni ay isang magandang dalaga.
Nakita ko ang aso sa ilog.

• Panghalip o Pronoun – Ito ay tumutukoy sa mga salita bilang panghalili o pamalit sa mga pangngalan.

Halimbawa:

1. Ako
2. Ikaw
3. Sila
4. Atin
5. Tayo

Tayo ang gagawa ng lahat na gawain.
Hindi ikaw ang may kasalanan.

• Pandiwa o Verb – Tumutukoy sa mga salita na nagsasaad o nagpapahayag ng kilos.

Halimbawa:

1. sumayaw
2. kumanta
3. naglakad
4. nagsalita
5. tumawa

Ang babae ay magaling sumayaw.
Kumakain pa ang bata sa sala.

• Pang-uri o Adjective – Mga salita na naglalarawan ng pangngalan.

Halimbawa:

1. Maganda
2. Pangit
3. Mapait
4. Matalino
5. Magulo

Maganda ang damit. Bagay sa iyo.
Bakit mapait ang niluto mong sopas?

• Pang-abay o Adverb – Tumutukoy sa mga salita na naglalarawan sa pandiwa o kilos.

Halimbawa:

1. taimtim
2. agad
3. tila
4. higit
5. kaysa

Agad na lumabas ang bata sa bahay matapos marinig ang tinig ng ama sa labas.
Taimtim akong nagdadasal para sa inyong kaligtasan.

• Pantukoy o Pointer – Tinutukoy ang relasyon ng paksa at panag-uri sa pangungusap.

Halimbawa:

1. si
2. ang
3. ang mga
4. mga

Si Ben at ang mga kaibigan niya ay namatay sa aksidente.
Ang mga bata ay naglalaro sa labas.

• Pangatnig o Conjunction – Tumutukoy sa mga salita na nagpapakita ng relasyon ng mga salita sa isang pangungusap.

Halimbawa:

1. dahil
2. maging
3. man
4. gawa ng
5. upang
6. nang
7. para

Nilakasan niya ang boses upang marinig ng mga tao sa likuran.
Dahil sa puyat, hindi siya nakapasok ng eskwelahan kinabukasan.

• Pang-ukol o Preposition – Tumutukoy sa mga salita na nagsasaad kung para kanino o para saan ang kilos.

Halimbawa:

1. para
2. ukol
3. ayon

Ayon sa ama, kahapon pa nawawala ang bata.
Para sa kaalaman ng lahat ng estudyante, walang pasok bukas.

• Pang-angkop o Connector – Mga salita na ginagamit upang mapag-ugnay ang mga salita.

Halimbawa:

1. g
2. ng
3. na

Malayang nakakalipad ang Ibon.
Ang matalim na kutsilyo ay nawawala.

• Pandamdam o Interjection – Mga salitang tumutukoy sa matinding damdamin.

Halimbawa:

1. Oy!
2. Naku!
3. Tse!
4. Aha!
5. Diyos ko!

Tse! Ayokong sumama sa iyo!
Aha! Alam ko na ang dapat na gawin!