Basahin ang mga halimbawa ng anapora at paano ito gamitin sa isang teksto.
HALIMBAWA NG ANAPORA – Alamin kung ano ang anapora, tamang paggamit nito, at mga halimbawa para sa mas magandang pagpapahayag.
Ang Filipino ay isang magandang wika na salamin din ng ating kultura, kasaysayan, at pagkatao bilang isang bayan. Bahagi ng wika ay ang anapora. Ano ang anapora? Ito ang panghalip na ginagamit sa hulihan bilang pananda sa pinalitang pangngalan sa unahan ng pangungusap.
Ito ay isang konseptong pang-gramatika na ginagamit para iugnay ang mga salita, pangungusap, o parirala sa mga pangungusap o mga parirala na nauna nang nabanggit sa teksto. Sa madaling salita, ito ang mga salita na ginagamit upang tumukoy sa isang salita, pangungusap, o mga parirala na nabanggit na sa teksto.
Basahin ang iba pang mga halimbawa:
- Si Jose Rizal ay ang pambansang bayani ng mga Pilipino. Siya ay matapang sa paghahayag ng mga maling gawain sa kapwa niyang Pilipino.
- Sina Chloe at Cassandra ang mga batang nangunguna sa klase. Sila ay mahilig mag-aral.
- Ang kultura ay nagbibigay sa atin ng pagkakakilanlan. Ito ay maituturing na kayamanan ng isang bansa.
- Sina Jared at Jake ang mga batang nangunguna sa klase. Sila ay mahilig magbasa ng libro.
- Sumali si Via sa Paligsahan at nanalo siya.
- Si Mina ay naglalakad sa kalye ngunit nadapa siya.
- Ang mga kababaihan sa Pilipinas ay kilala bilang malambing at matapang ipinaglalaban ang kanilang karapan. Sila ay hinahangaan ng mundo dahil sa mga katangiang ito.
- Patuloy na dinarayo ng mga turista ang Boracay sa Caticlan dahil sila’y totoong nagagandahan dito.
- Ang kwago at paniki ay pawang mga hayop sa gabi subalit magkaiba sila sa anyo at katangian.
- Si Maria ay napakaganda. Yun nga lang, napakasungit niya.
- Si Lea Salonga ang sikat at kilala sa buong mundo sa larangan ng pagkanta. Hinahangaan siya ng lahat.