Alamin ang mga likas na yaman ng Pilipinas o mga hilaw na materyales mula sa iba’t ibang mga lalawigan.
LIKAS NA YAMAN NG PILIPINAS – Ang bansa ay sagana sa napakaraming mga pinagkukunang yaman o mga bagay at materyal na kailangan ng mga tao.
Mayroong apat na uri ng likas na yaman at ang mga ito ay nagmumula sa kagubatan, sa katubigan, mineral, at sa kalupaan. Bawat uri ay mahalaga at nagdadala ng malaking halaga para sa ating ekonomiya. Ang mga yamang-gubat ay nagbibigay ng kahoy, troso, at dagta na ginagamit para makabuo ng iba pang mga produkto tulad ng gamot, pabango, pomada, at marami pang iba. Maraming puno rin na mataas ang kalidad na matatagpuan sa bansa tulad ng narra, apitong, kamagong, ipil, lawaan, yakal, at tindalo.
Sa yamang tubig, ang bansa ay napapaligiran ng mga karagatan, ilog, batis, at look kung saan matatagpuan ang iba’t ibang uri ng mga isda, perlas, kabibe, at iba pang mga pagkaing-dagat. Sa kabilang banda, ang mga yamang-mineral ay may dalawang uri – metal at di-metal. Ang mga metal ay chromite, tanso, bakal, lead, manganese, mercury, tingga, at zinc, habang ang mga di-metal naman ay asbestos, barite, luwad, carbon feldspar, guano, gypsum, apog, marmol, sulpur, petroleum, natural gas, at iba pa.
At sa bansa, isa sa mga pinakamahalaga ay ang mga yamang lupa kung saan nakasalalay ang buhay ng mga tao, halaman, at hayop. Malawak ang mga lupang pansakahan at mayroon ding mga lupang pangkomersiyo, pantirahan, pampalaruan, at pampalibangan.
Mga likas na yaman na makikita sa iba’t ibang lalawigan o bahagi ng bansa:
YAMANG LUPA
| KOMUNIDAD/LUGAR | PRODUKTO |
| Gitnang Luzon | bigas, gulay at prutas |
| Baguio, Benguet | mga sariwang gulay at prutas broccoli, pipino, lettuce, carrots, sayote, patatas bell pepper, baguio beans, celery at kamatis, strawberries iba’t-ibang uri ng mga bulaklak |
| Ilocos | bigas, tabako, bawang |
| Antipolo | suman, mangga, kasuy |
| Pampanga | bigas, tubo, mais |
| Negros Occidental | saging, tubo, kahel |
| Tagaytay at Cavite | pinya, saging |
| Batangas | kape, niyog, palay, mais |
| Laguna | lanzones, rambutan |
| Guimaras | Mangga |
| N. Ecija | bigas, sibuyas |
| Bicol | abaka (ginagawang bag, pamaypay, tsinelas sombrero) sili pili nuts |
| Quezon | niyog (nagmumula ang buko juice, nata de coco) |
| Davao | mga prutas gaya ng suha, durian, marang mga bulaklak, orchids |
| Bukidnon at Cotabato | pinya *Dito matatagpuan ang malawak na taniman ng pinya na Dole Philippines at Del Monte PhilippinesPhilippine travel packages |
| CALABARZON (Calamba, Laguna, Batangas, Rizal, Quezon) | karneng baka |
| Gitnang Visayas | karneng baboy |
| Gitnang Luzon | karneng manok |
| Pateros | balut, penoy |
YAMANG GUBAT
| KOMUNIDAD/LUGAR | PRODUKTO |
| Basilan, Zamboanga del Sur, Cotabato, Agusan, Surigao, Bukidnon and Misamis Oriental | rubber tree o punong goma |
| Agusan | plywood, lawanit |
| Negros Occidental | kamagong |
| La Union, Pampanga, Capiz, Cebu, Bukidnon, Surigao del sur | kawayan |
| Samar, Palawan | bakawan |
| Bicol, Mindanao, Cagayan Valley | narra |
YAMANG MINERAL
| KOMUNIDAD/LUGAR | PRODUKTO |
| Surigao Del Norte, Davao, Palawan, Romblon at Samar | nickel |
| Ilocos norte, N. Ecija, Cam Norte, Cotabato | iron |
| Ilocos Norte, Zambales, Cebu, Batangas, Mindoro, Panay, Negros Occidental | tanso |
| Mt. Province, Cam Norte, Baguio, Masbate, Surigao, Bulacan | ginto |
| Zambales | chromite |
| Pangasinan, Tarlac, Masbate, Cam Sur | manganese |
| Cam Norte, Ifugao, Bataan,Cagayan | bakal |
| Romblon | marmol |
| Zambales, Palawan, Panay | guano |
| Negros Occidental,Cebu, Mt. Province, Zambales, at Mindanao. | pilak |
YAMANG TUBIG
| KOMUNIDAD/LUGAR | PRODUKTO |
| Navotas | seafoods |
| Pangasinan | bangus at seafoods, asin, bagoong |
| Pampanga | tilapia, hipon |
| Cavite | tahong, talaba |
| Pangasinan | asin, bagoong |
| Gen Santos | Tuna |
| Sorsogon | butanding |
| Palawan | perlas |
| Cebu | dried fish, danggit, pusit |
| Bataan | tinapa, tuyo, de latang isda |
| Roxas City, Capiz | seafood capital of the Philippines |